Барааны тайлбар:

Өөрийн хүслээр амьдрах нэгэн байхад хүний хүслээр хувь тавилангаа өөрчлүүлэх бас нэгэн байна.Амьдрал бол сонголт. Сонголт хийх эрх нь танд бий. Харин сонголт хийх эрхгүй бол яах вэ? Тэмцсээр байх уу? Дасан зохицох уу? Хайр, итгэл,хорсол,уучлал,баяр,гуниг, харуусал, хүний амьдралын бүхийл бодит түүхийг өгүүлэх зохиолч Б.Батзоригийн Сүүдрийн Вант Улс романыг уншигч танд өргөн барьж байна. Бидний мэдэхгүй нийгэм,бидний мэдэхгүй ертөнц түүнд амьдрагсадын түүх. Бодит амьдарлаас сэдэвлэн бүтсэн энэхүү зохиолыг уншигч та таалан соёрхоно уу.
Доржынх үр хүүхэдгүйн зовлон эдэлж яваа залуу гэр бүл. Түүний найз Дүйнхэрийнх дэрсхэн хоёр охинтой. Нутаг усныхан нь найз Дорж түүний эхнэр хоёрыг элдвээр хэлж хэмлэж байхыг нь өдөр бүр харж сонсож явсаар нэг өдөр өөрийн бага охиныг найздаа үрчлүүлэх хэцүү шийдвэрийг гаргана. Хүнээс илүү эрдэнэ гэж юу байх билээ үр хүүхэдтэй болж сэтгэл нь тэвтсэн Дорж эхнэрээ дагуулан нутгийн зүг нүүсэнээс хойш улсын наадамд том охиноо дагуулан ирсэн Дүйнхэр олны хөлд том охиноо алдана. Түүний том охин ор сураггүй алга болох бөгөөд хэдэн сар жил цагдаагийн үүд сахиж, эрэл сурал болох боловч сураг эс гарна. Эх үрийн амьдын хагацал амсаж явсаар эрүүл ухаанаа алдах Дүйнхэр түүний эхнэр хоёрт дахин нэгэн охин мэндэлж буйгаар зохиол үргэлжилнэ. Хувь заяаны эрхээр салан одсон эгч дүү гурвын хувь заяа хэрхэн цааш үргэлжилсэн бол...

#915